အိပ်စက်ခြင်းဆိုင်ရာ ဗဟုသုတများနှင့် အိပ်စက်ခြင်းကြောင့် ရရှိမယ့် အကျိုးကျေးဇူးများ

အိပ်စက်ခြင်းဆိုင်ရာ ဗဟုသုတများနှင့် အိပ်စက်ခြင်းကြောင့် ရရှိမယ့် အကျိုးကျေးဇူးများ  · 3 min read


အိပ်စက်ခြင်းဆိုင်ရာ ဗဟုသုတများနှင့် အိပ်စက်ခြင်းကြောင့် ရရှိမယ့် အကျိုးကျေးဇူးများ

လူတစ်ဦးအတွက် နေ့စဉ် အိပ်စက်ခြင်း (၆) နာရီမှ (၈)နာရီ လိုအပ်တယ်။ အိပ်ရေးမဝရင် ငိုက်မျဉ်းခြင်း၊ သန်းခြင်း၊ စိတ်အာရုံ မသိတသိဖြစ်ခြင်း၊ ခံစားမှုအာရုံများ လျော့ကျလာခြင်း၊ အသိစိတ် နဲ့ လှုပ်ရှားနိုင်တဲ့ ကြွက်သားလှုပ် ရှားမှု မရှိတော့ခြင်း၊ ပတ်ဝန်းကျင် နှင့် ပြန်ဆက်သွယ်မှုမရှိခြင်းတို့ဖြစ်နိုင်တယ်။ အိပ်ပျော်မှလည်း တစ် နေကုန် သွားလာလှုပ်ရှားရုန်းကန် သမျှ အနားရမှာဖြစ်တယ်။ ကိုယ်ခံ အားအဖွဲ့၊ အာရုံကြောအဖွဲ့၊ အရိုး အဖွဲ့၊ ကြွက်သားအဖွဲ့၊ ဟော်မုန်းအဖွဲ့ စတာတွေဟာ အိပ်စက်ပြီး မှသာ အားဖြည့်ပေးလို့ လိုအပ်သလောက် အိပ်ဖို့လိုမယ်။


အိပ်ချိန်ပြည့်ပြည့်ဝဝ၊ နှစ်နှစ်ခြိုက်ခြိုက် ရရှိစေဖို့ဟာ (၁) နေ့စဉ် အိပ်ချိန်သတ်မှတ်ထားသင့်တယ်။ (၂) အိပ်ခါနီး ဦးနှောက်ကို အိပ်ဖို့ အသင့်ပြင်ခိုင်းရမယ်။ (၃) တရား ထိုင်၊ ပုတီးစိပ်ရမယ်။ (၄) အိပ်ခါ နီး အရက်မသောက်ရပါ။ (၅) အိပ် ခန်းကို အိပ်စက်ခြင်းနဲ့ လင်မယား ချစ်တင်းနှီးနှောခြင်းအတွက်သာ သုံးသင့်ပါတယ်။ (၆) ကော်ဖီနဲ့ ဆေးလိပ်ရှောင်ရမယ်။ (၇) နေ့ ဘက်မှာ လှုပ်ရှားတက်ြ<ွကစွာအ လုပ်လုပ်ရမယ်။ (၈) အိပ်စက်မယ့် အိပ်ခန်းနေရာကို အိပ်ဖို့အတွက် ပြည့်ဝကောင်းမွန်တဲ့နေရာဖြစ် အောင် ဖန်တီးထားရမယ်။ (၉) အိပ်မယ့်အဖော်ကို ဂရုတစိုက် ရွေး ချယ်ရမယ်။ (၁ဝ) အိပ်မပျော်ရင် အတင်းဖြစ်ညှစ်ကာ အိပ်ရာထဲတွေး မနေသင့်ပါဘူး။


အိပ်မပျော်ခြင်း (Insomnia) အိပ်မပျော်ခြင်းဆိုရာမှာ နိုးတစ်ဝက် အိပ်ပျော်ခြင်းလည်းပါဝင်တယ်။ နေ့စဉ် (၆) နာရီအပြည့်မအိပ်ရရင် လူက ထိုင်းမှိုင်းလာတယ်။ ပြတ်တောင်းပြတ်တောင်း ရက်ကြာကြာ အိပ်မပျော်တဲ့ရက် များလာရင် ကျန်းမာရေးထိခိုက် လာနိုင်တယ်။ ဦးနှောက်မှာ နိုးထခြင်းစက်နာရီ (Wave Cycles) ၊ အိပ်စက်ခြင်းစက်နာရီ (Sleep Cycles) နှစ်ခုရှိရာ နိုးထခြင်းစက် နာရီမှာ၊ နိုးထခြင်းမောင်းနှင်အား (Wave Drive) ကို မရပ်တန့်နိုင်တဲ့ အခါ အိပ်မပျော်ခြင်းဖြစ်တယ်။


အိပ်မပျော်ခြင်းဖြစ်စေတဲ့ အ ကြောင်းတရားတွေက ဆေးဘက် ဆိုင်ရာ အကြောင်းရင်းမှ (၁)နှာ ခေါင်းနှင့် နှာခေါင်းလှိုဏ်ဓာတ်မ တည့်ခြင်း၊ (၂) အစာအိမ်၊ လူလမ်း ကြောင်းပြဿနာများ (လေချဉ် တက်ခြင်း)၊ (၃) ဟော်မုန်းဆိုင်ရာ ပြဿနာများ (သိုင်းရွိုက်ဟော်မုန်း များခြင်း) (၄) အဆစ်မြစ်ရောင် ခြင်း၊ (၅) ပန်းနာ၊ ရင်ကျပ် (၆) အာရုံကြောဆိုင်ရာပြဿနာများ ဥပမာ – ပါကင်ဆန်ရောဂါ၊ (၇) နာတာရှည်ကိုက်ခဲမှုများ၊ (၈) ခါး နာခြင်း၊ (၉) သွေးတိုးရောဂါ၊ (၁ဝ) နှလုံးရောဂါ၊ (၁၁) ခြေထောက် ကိုက်ခြင်းလက္ခဏာစု၊ (၁၂) အိပ်ရာဝင် အသက်ရှူမဝခြင်း (Sleep Apnea) တို့ ပါဝင်တယ်။


စိတ်ပိုင်းဆိုင်ရာ အကြောင်း တရားတွေက စိတ်ကျရောဂါပါဝင်ပြီး အိပ်မပျော်လေ၊ စိတ်ကျခြင်း ပိုဝင်လေဖြစ်တယ်။ စိုးရိမ်ပူပန်မှု တွေက အိပ်မပျော်ခြင်းဖြစ်စေတယ်။ စိတ်တင်းကျပ်ခြင်း၊ အတိတ် အကြောင်းများ ပြန်တွေးတောနေခြင်း၊ အနာဂတ်အတွက် ပူပန်မှုများ တာဝန်ယူမှုအတွက် စိုးရိမ်စိတ် ဖြစ်ခြင်း၊ ဖြစ်နိုင်ခြေထက် ပိုမို တွက်ချက်တွေးတောကာ ထိတ်လန့် ခြင်းတို့ပါဝင်တယ်။ ရက်ပေါင်းများစွာ လပေါင်းများစွာ အိပ်မပျော် တဲ့အခါ စိုးရိမ်ပူပန်မှုလွန်ကဲခြင်း သေဆုံးတော့မယ်လို့ ခံစားထိတ်လန့်ခြင်း၊ ရူးကြောင်ကြောင်ဖြစ်ခြင်း တို့ ဖြစ်လာနိုင်တယ်။ အိပ်မပျော် ခြင်း စောစောသိရင် စောစောကုသ သင့်တယ်။ ဆေးဘက်ဆိုင်ရာနဲ့ စိတ်ပိုင်းဆိုင်ရာ အိပ်မပျော်ခြင်း အကြောင်းအရာတွေ ရှာဖွေကုသရမယ်။


ဘဝနေထိုင်မှုပုံစံဟာ အိပ်မပျော်ခြင်း နဲ့ ပတ်သက်နေတယ်။ အလုပ်ကိုအိပ်ရာထဲထိ ယူလာပြီး လုပ် ခြင်းရှောင်ရမယ်။ နေ့အချိန် တစ်ရေးအိပ်ခြင်းဟာ ညဘက်အိပ်မ ပျော်ခြင်းဖြစ်စေတယ်။ ခဏတစ် ဖြုတ်ဖြစ်ပေမယ့် အိပ်မပျော်ဖြစ်စေ တယ်။


ညဘက်အိပ်မပျော်လို့ နေ့ ဘက်ပြန်အိပ်ခြင်းဟာ ပုံမှန်အိပ် စက်မှုနာရီ (Body Clock of Sleep Pattern) ကို ပျက်စေလို့ ညဘက် အိပ်မပျော်ခြင်းထပ်ဖြစ်စေတယ်။ အချိန်ပိုင်း အလုပ်လုပ်သူတွေအ နေနဲ့ အိုဗာတိုင်(သို့) ညပိုင်းအ ပြောင်းအလဲ လုပ်တဲ့အခါ နေ့ဘက် မှာလည်း အစားထိုးပြီး မအိပ်တတ် လို့ အိပ်မပျော်ခြင်းပြဿနာဖြစ်လာ တယ်။ ကိုယ်နဲ့ ကိုက်မဲ့ အလုပ်ချိန် ကိုလည်းကောင်း အလုပ်အကိုင်ကို လည်းကောင်း ညှိနှိုင်းပြောင်းယူ သင့်ပါတယ်။ သတင်းစာတိုက်မှာ လုပ်သူတွေအနေနဲ့ နေ့ဘက်မှာ အိပ်စက်ရမယ်။


အရက်ဟာ အိပ်ပျော်စေပေ မယ့် ညလယ်မှာ ပြန်နိုးတတ်လို့ အရက်မစွဲသင့်၊ မသောက်သင့်ပါ ဘူး။ ကဖင်းတို့ ကော်ဖီ၊ လက်ဘက် ရည်၊ အချိုရည်၊ ဖျော်ရည်နဲ့ အစား အစာတွေကို နေ့ဘက်မှာသာ စား သင့်တယ်။ တစ်နေ့ ကော်ဖီ(၂) ခွက်၊ အချိုရည် (၂)ဘူးထက် ပိုမ သောက်သင့်ပါဘူး။ သောက်သုံးရင် အိပ်မပျော်ခြင်းဖြစ်စေကြောင်း (၂ဝ၁၅)ခုနှစ်၊ အမျိုးသားအိပ်စက် ခြင်းဖောင်ဒေးရှင်းရဲ့ လေ့လာချက် အရ သိရတယ်။ ကဖင်းဟာ ခန္ဓာ ကိုယ်တွင်းမှာ ရှစ်နာရီကြာ အာ နိသင်ပြနိုင်လို့ အိပ်ချိန်မတိုင်ခင် ရှစ်နာရီအတွင်း ကော်ဖီမသောက် သင့်ပါဘူး။


နီကိုတင်းဟာ လူကိုနိုးကြား စေတဲ့ဓာတ်ဖြစ်လို့ နီကိုတင်းပါတဲ့ ဆေးလိပ်၊ ဆေးတံ၊ ကွမ်းစားသုံး ခြင်း ရှောင်ကြဉ်သင့်တယ်။ အိပ်ရာဝင်ကာနီး ဗိုက်ပြည့်အောင် အစာများများစားခြင်းက အိပ်မပျော် မှုဖြစ်စေတယ်။ အိပ်ပျော်ရင် အ နားယူတော့မယ့် အစာအိမ်နဲ့အူ လမ်းကြောင်းဟာ အနားမရဘဲ ဆက်ပြီးအလုပ်လုပ်ရခြင်း၊ ရင်ပြည့် ရင်ကယ်ဖြစ်ခြင်းကြောင့် အိပ်မ ပျော်ခြင်းဖြစ်စေတယ်။ အိပ်ရာဝင် ခါနီး ရေသောက်ရင် ဆီးခဏခဏ သွားရလို့ အိပ်ရေးပျက်တတ်ပါ တယ်။ အိပ်ရာဝင်ကာနီးဖုန်းကြည့် ခြင်း၊ သီချင်းနားထောင်ခြင်း၊ ဂိမ်း ဆော့ခြင်း၊ ကွန်ပျူတာကြည့်ခြင်း တို့က အိပ်ချင်စိတ်ကိုပျောက်စေ တယ်။ တရေးနိုးခဏတဖြုတ် တီဗီ ကြည့်ခြင်း၊ ဖေ့စ်ဘွတ်ကြည့်ခြင်းများ က မျက်စိကြောင်စေတယ်။


နေ့စဉ်အိပ်ချိန် ည (၁၁)နာရီ မှ မနက်(၇)နာရီ(သို့)ည(၁ဝ)နာရီ မနက်(၆)နာရီဖြစ်သင့်တယ်။ ဂိမ်း ဆော့ခြင်း၊ ဖေ့စ်ဘွတ်အင်တာနက် ကြည့်ခြင်း၊ စာဖတ်ခြင်း၊ ဇာတ်လမ်း ကြည့်ခြင်း၊ ဘောလုံးပွဲထိုင်ကြည့် ခြင်းတို့က အိပ်ရေးပျက်စေပါတယ်။


အိပ်ခါနီး အခြားကိစ္စ၊ တီဗီ၊ ရေဒီယိုအားလုံးမအိပ်ခင် တစ်နာရီ အတွင်းရပ်ရမယ်။ အပြာရောင်တီ ဗီအလင်းတန်းဟာ၊ မျက်စိနဲ့စိတ်ကို နေ့ဘက်အလား ထင်ယောင်မှား ဖြစ်စေတယ်။ အိပ်ချင်စိတ်ပျောက် စေတယ်။ ကြောင်စေတယ်။ မအိပ် ခင် ဘာသာတရားလုပ်ခြင်းက စိတ် ကို ငြိမ်းအေးစေပြီး၊ အိပ်စက်ခြင်း အပေါ် အထောက်အကူပြုပါတယ်။ အိမ်ခန်းထဲမှာ တီဗီ၊ အင်တာနက်နဲ့ ဖုန်းတွေ မထားသင့်ပါဘူး။ အလင်း ရောင်ဖျော့ဖျော့မှာ စာဖတ်ခြင်းက အဆင်ပြေစေတယ်။ ချစ်တင်း နှီးနှောခြင်းဟာ လင်မယား(၂)ယောက်လုံးရဲ့ အိပ်စက်ခြင်းကို အထောက်အကူဖြစ်စေတယ်။ အ ရက်ဟာ မူးစေပြီး အိပ်ငိုက်တာ အိပ်တာတွေ ဖြစ်စေပေမယ့်၊ ရေ ရှည်မှာအိပ်စက်ခြင်းကို အဆင့်ဆင့် ပျက်စီးစေလို့ ညဘက်မှာ အိပ် မပျော်ဖြစ်တတ်တယ်။


ကော်ဖီ၊ ဆေးလိပ်နဲ့ လက်ဖက် ရည်၊ အချိုရည်တို့ဟာ သောက်တဲ့ အချိန်မှာ (၈)နာရီကြာ သွေးထဲမှာ ရှိနိုင်လို့ ရှောင်သင့်တယ်။ နေ့ဘက် မှာ ကိုယ်လက်လှုပ်ရှားမှု အားက စား နာရီဝက်မှ တစ်နာရီ (အပြေး၊ လမ်းလျှောက်၊ ရေကူး၊ စက်ဘီးစီး) လုပ်သင့်တယ်။ အိပ်ခန်းကို အပူ ချိန်(၁၉)မှ (၂ဝ)ဒီဂရီ စင်တီဂရိတ် အတွင်း ထားရမယ်။ တိတ်ဆိတ်ပြီး မှောင်နေတဲ့ အခန်းဟာ အိပ်စက် ခြင်းကို အားပေးတယ်။ ကလေး တွေအဖို့ မိဘ(သို့)အဘွားနဲ့ အိပ် နေကျရင်ခွင်မှာသာ အိပ်ပျော် တတ်လို့ အစကတည်းက လေ့ကျင့် ပေးထားရမယ်။ ဟောက်တတ်သူနဲ့ အိပ်ရတာဟာ အိပ်မပျော်ခြင်းကို ဖြစ်စေတယ်။ ဟောက်တတ်သူများ အိပ်ခန်းသီးခြားအိပ်သင့်တယ်။


အိပ်မပျော်ရင် အတင်းဖြစ် ညှစ် မအိပ်သင့်ပါဘူး။ နို့နွေးနွေး တစ်ခွက်သောက်သင့်တယ်။ နို့ထဲ မှာပါတဲ့ ထရစ်တိုပန် (Tryptophan) ဟာ အိပ်ချင်စိတ်ကို ဖြစ်စေတယ်။ ကိုယ်လက်လှုပ်ရှားမှုတစ်ခုခုလုပ် ခြင်း၊ လက်နှစ်ဖက်၊ ခြေနှစ်ဖက် ဆန့်တန်းကာ အကြောလျှော့ပေး ခြင်းဟာ အိပ်ချင်စိတ်ဖြစ်စေတယ်။ နင်းနှိပ်ပေးနိုင်တယ်။ အိပ်ချင်စိတ် ဖြစ်မှ အိပ်ရာထဲ ဝင်သင့်တယ်။ အိပ်ဆေး (Valium 5) ဆောင်ထား သင့်တယ်။ ရေရှည် စွဲမသောက် သင့်ပေမယ့် လိုအပ်တဲ့အခါသောက် သုံးခြင်းက အိပ်ပျော်စေတယ်။


ဒေါက်တာလွင်သန့်


No comments yet

No comments yet. Start a new discussion.

Add Comment